05/05/10

Con Agustín Fernández Paz

Que gran invento a videoconferencia! É certo que, en ocasións, a comunicación pode resultar algo fría, pero non é o caso cando o interlocutor é Agustín Fernández Paz. A súa cercana amabilidade, a súa sinxeleza e a humanidade que trascende fixeron sentilo moi próximo, coma se estivese entre nós. Con Agustín, definitivament, non hai Valados.
Agustín falounos do seu proceso literario (amosounos a súa libreta de "primeiro borrador"), de cantas correccións ten que facer un escritor, de cales son os seus autores preferidos (Paul Auster en primeira liña), de cine, de música...
Cando unha alumna lle preguntou: "se existise a reencarnación, volverías a ser escritor?", el respondeu que estaría ben ter nacido en Liverpool nos anos 60 e tocar a batería nun destes grupos:







Afirmou que para ser bo escritor cómpre primeiro ser un bo lector e ver moito cine, algo que el fai cada día. Entre as súas películas, destacou "París-Texas", aínda que nos vai mandar un listado de recomendacións para as rapazas e os rapaces do club. Unha mostra clara do seu sentido do humor foi cando nos comentou que lle encantara o anuncio da camiseta que veu no noso blogue o día anterior.
Voou o tempo entre as súas mans, malia a distancia demostrou que a calidez humana é inherente ao individuo estea onde estea, e deixounos a todos e a todas completamente "colgados" del.
Moitas grazas, Agustín, por todo!


5 comentarios:

Raquel Rodríguez Vázquez dixo...

Gustoume moito esta videocoferencia, a verdade que foi unha experiencia especial, pois eu nunca fixera ningunha.
Por outro lado, encantoume poder falar con Agustín, persoalmente, pareceume unha persoa moi humilde e moi amable. Por outra banda foi unha charla moi entretida e moi amena.
Por último que teño que decir e que me encantou, e que me gustaría volver a repetir a experiencia.

Mauro dixo...

A charla con Agustín Fernandez Paz resultoume bastante entretida porque era a primeira vez que estaba nunha videoconferencia e ademais porque Agustín resultou ser unha persoa bastante animada e entretida, con moitas ganas de falar.
Ainda que houbo algúns fallos no son, foi unha experiencia fantástica que me encataría repetir en calquera ocasión.

Carmen dixo...

Pareceume unha charla moi entretida porque ademais de falar do seu libro contounos cousas moi interesantes sobre o seu traballo como escritor

Ainara dixo...

A min tamén me gustou moito a experiencia, xa que explicounos de maneira moi amena moitas cousas sobre os seus libros, que significaba para el ser escritor, etc. Gustaríame repetir a experiencia!

Tania dixo...

A min tamen me gustou moito. A pesar de que se ia moito polas ramas cando lle preguntabamos, era un dos meus escritores faborita de nena e a un dos que queria coñecer. Agradezolle mito os consellos de como aprender a desenrrolarse no mundo da publicacion literaria