Desta volta, o club de lectura foi ben especial, porque xuntáronse dous dos clubs que hai no IES Laxeiro: o de 1º de Bacharelato que le poesía e o de 3º de ESO pola Igualdade, que tamén leu o libro de poemas de Ledicia Costas, Xardín de inverno. Todos os membros do club que puideron asistir amosáronse encantadas coa experiencia.
Moitas grazas, Ledicia!
Di Nerea: o encontro con Ledicia foi moi satisfactorio; respondeu a todas as nosas dúbidas, contounos en que se baseou para escribir
cada unha das súas historias e relatos, contounos como se sentía ó escribir... É unha escritora nada diva, e iso gústame. Asemade, encantaríame que volvese onda nós!
Di Jenni: o encontro con Ledicia Costas gustoume moito,; contounos como de
pequena xa lle gustaba escribir as súas propias historias. Pareceume moi
divertido cando nos dixo que un día lle preguntara aos seus pais se non
era raro que non saíra a xogar coas amigas ou a darlle patadas ao
balón, e os seus pais dixéronlle que pensaban que iso xa lle pasaría.
Sentinme un pouco identificada co libro de ¨ Xardín de inverno´, porque
nel conta como se sentiu cando lle morreu a súa avoa, e eu sentinme coma
ela, por iso me gustou.
Di Cristina:
Estar con Ledicia Costas foi unha experiencia realmente interesante, poder conversar con ela e que resolvera as nosas dúbidas, que nos explicara o porqué de decidir ser escritora e as anécdotas da súa infancia. Foi moi gratificante.
Di Cristina:
Estar con Ledicia Costas foi unha experiencia realmente interesante, poder conversar con ela e que resolvera as nosas dúbidas, que nos explicara o porqué de decidir ser escritora e as anécdotas da súa infancia. Foi moi gratificante.
